Poesie pubblicate Palummèlla ca nun torna

Poesie pubblicate

Palummèlla ca nun torna

Palummèlla ca nun torna

Palummèlla ca vùlave
pe ‘stì scìure d’ò ciardìno
quanta gìoia mme mettìve
dìnt’ ‘o core p’ ‘a matìna.

Comme ‘a frònna assaje lìggera
pazzianno ‘a ccà e ‘a llà
e scetata ‘a primmavera
tutta attuòrno a ‘mprufumà.

Si spuntava ‘na rusella
ggià a distinguere ll’addore
te fermave accunciulella
curiusèlla e esploratore.

T’allicuòrde che premura!
Jì te pigliavo pe ‘stì scelle
tu scurnosa e c’ ‘a paura
dint”o palmo d’a manella.

Te mettive quase inerme
dduje minute ferma llà
comme una ca s’ addorme
e jì? ‘Nu scemo a tte guardà.

Ma pecchè pò stàmmatina
stò penzanno proprio a tte?
Pulezzanne ‘stì ciardìne
ma tu nun te fàje vedè.

Palummè! Tu te ne muòre
pecchè ll’aria ccà è mmalata!
Ma nisciùno tène ‘o core
pe ssanà chesta ferita.

Tu staje quasi in estinzione?
Ma chi vuò ca se ne ‘mporta!
Ma pe cchesta situazzione
pò ‘nce vò ‘nu buono esperto.

Palummè! Stò preoccupato
ce fà male ‘stà diossìna
ma tù tuòrne n’ àta vòta
ca pe mme sì ‘na Rìggina!

(Domenico Coppola)

Comments are closed.